NASUROK TALLO GASOT A PDL, MAWAYAWAYAAN SAKBAY A MALPAS TI 2022

DAMAG NATIONAL| NASUROK TALLO GASOT A PDL, MAWAYAWAYAAN SAKBAY A MALPAS TI 2022

Nasurok 300 agingga 500 a persons deprived of liberty (PDLs) ti posible a mawayawayaan sakbay a malpas ti tawen 2022

Daytoy ket segun kenni Bureau of Corrections (BuCor) Officer in Charge General Gregorio Catapang, kas paset dagiti wagas ti gobyerno nga i-decongest dagiti pagbaludan

Kabayatan ti briefing iti Laging Handa, Inbatad ti opisyal nga ag overtime dagiti empleyado tapno iti kasta ket asikaswen da dagiti documentary requirements dagiti nadakamat a balod agsipod ta daytoy kunana ti mangitantantan iti proseso

Innayon pay ni Capatapang a saan a kas kari na a wayawayaan da lattan dagiti balod nga awan dagiti kasapolan a dokumento. Kuna pay ti General nga ada iti 500 agingga 700 a balod ti target da a wayawayaan sakbay nga umay ti tawen 2023

Iti agdama ket agtultuloy ti pinakikoordinar da kadagiti maseknan nga opisina ti gobyerno tapnon iti kasta ket maaramid nga insigida dagiti kasapolan a proseso.